NALSA hnuaia scheme-te zirho a ni

Mizoram State Legal Services Authority (MSLSA) leh Institute of Advanced Studies in Education (IASE) Legal Aid Cell chuan nimin khan IASE Auditorium-ah NALSA hnuaia scheme hrang hrang zirhona an buatsaih.

Sensitisation workshop-ah hian Gauhati High Court judge Justice Michael Zothankhuma, MSLSA executive chairman ni bawk chu khuallian a ni a; Gauhati High Court judge dang pahnih - Justice Nelson Sailo leh Justice Marli Vankung te khualzahawm an ni.

Justice Michael Zothankhuma chuan, National Legal Services Authority-in hmalakna tur chi hrang hrang a duang tih sawiin, chu'ng scheme-te chu a theih ang ang hman ṭangkai a nih theih nan hmun hrang hrangah awareness campaign buatsaih ṭhin a nih thu a sawi.

Justice Nelson Sailo chuan, mihring dikna chanvo humhalh a nih theihna tura LSA-in hma a lâk tawh dante leh mi tam takin an chhàwr ṭangkai tawh thu a sawi a; Justice Marli Vankung pawhin LSA chu mipui tan nasa taka hna thawk ṭhintu a nih thu a sawi bawk.

Zirhona hi IASE prin­cipal Prof. Lallianzuali Fanai-in a kaihruai a, resource person Johny L Tochhawng-in thupui a sawi a ni.