Intlar ngai lo polling station sawiho

Khawzawl district election officer K Lalrohlua kaihhruaiin tun hnai khan Khawzawl DC meeting hall-ah sorkar hotute leh YMA Sub-Hqrs, Khawzawl hruaitute an ṭhukhawm a, inthlanah vote a tlak ṭhat theihna tura ruahmanna, ‘Intlar ngai lo polling station’ (queueless polling station) chungchang an sawiho.

Ṭhutkhawmah hian, inthlan ní-ah vote thlak dan tur YMA branch tinin ruahman se, YMA-te chêt chhuah dan tur chu Mizoram People's Forum-te nen sawiho hnuah District Election Officer-in MPF-te sawipui se, an ti.

YMA Sub-Hqrs leh DEO-te inremna chungchang sawiho a ni a, YMA branch ti ṭhate hnenah lawmman pek tura rel a ni. Khaw danga awm, vote thlak duhte phurh hawn dan tur rel a ni bawk.