Union minister-te rawn zin

Sorkar laipuia minister ṭhenkhat chu Mizoram MLA inthlanpui atana campaign turin nimin khan an rawn zin a, Aizawl tlawh loin, ramri hnaih khuate an tlawh.

Nimin khan Defence minister Rajnath Singh chuan Mizoram a rawn tlawh a, Lengpui Airport aṭangin helicopter-in Tuipang (Tipa) a pan nghal. Tuipanga vantlang inkhawmah thu a sawi zawhah Mamit a pan leh nghal a, vantlang inkhawmah thu a sawi leh a, nimin khan a haw leh nghal.

Nimin vek khan Ports, Shipping and Waterways minister Sarbananda Sonowal pawh a rawn zin a, Lungleiah campaign in, vantlang inkhawmah thu a sawi a, nimin khan a haw leh nghal bawk a ni.