Postal paper inhlan tawnna hun hmang

Additional chief electoral officer H Lianzela hoin November 1, Nilaini khan Assembly Annexe conference hall-ah district 11-a sorkar hotute'n postal ballot hmanga vote thlak dilna leh vote thlakna tur pre-polled postal ballot paper inhlan tawnna, Exchange of Postal Ballot Papers hun an hmang. November 5, 2023 (Pathianni) tlai dar 4 aṭangin inthlan campaign thil reng reng khap a nih dawn thu tarlan a ni.

Additional CEO chuan, postal ballot hmanga vote thlak chu ngaih pawimawh a nih thu leh fimkhur takin hmalaknate kalpui a ṭul thu a sawi a, "November 5, 2023 (Pathianni) tlai dar 4 aṭangin inthlan kaihhnawih campaign lam hawi hrim hrim khap a ni dawn a, silent period hman ṭan a ni ang," a ti.

Addl. CEO chuan, "Silent period hman hnuah campaigner zawng zawngte'n an vote neihna hmun an pan a ngai tawh dawn a, electronic media kaltlanga politics kaihhnawih chhuah phal a ni tawh dawn lo," a ti a; print media tan silent period bikah political advertisement chhuah turin MCMC-ah dilna thlen hmasak a ṭul thu a sawi.

Ṭhutkhawmah hian district hrang hranga postal ballot buaipuitute bakah, political party aiawhte leh venhimna lama hotute an tel a ni.