Harsatna neite lirtheiin hruai dawn

Champhai bawrhsap James Lalrinchhana chuan, MLA inthlanpui awm turah kum 18 tling tawh rualbanlo te, taksa lama chak lote leh kum 80 tling chinte'n inthlan ní-ah vote thlak tura harsatna an tawh loh nan an chenna in leh polling station inkarah lirtheiin an kal lam leh haw lam hruai zel a nih dawn thu a tarlang.

Champhai DC chuan, polling station-a kal tura harsatna neite vote thlak tura hruai nan leh an haw lam thlah nan polling party-te lirthei (official vehicle) hman tur a nih thu a tarlang a, "Lirtheiah hian BLO emaw, MPF aiawh emawte chauhin an ṭawiawm tur a ni. Political party mi leh sa tu mahin an hruai tur a ni lo a, an hruai tih hriat a nih chuan an chungah dan anga hmalak a ni ang," a ti.

Taksa lama chakvak lo emaw, mahnia kal harsat emawte tan vote thlak ní-ah hruaitu/ṭawiawmtu neih phalsak a nih thu leh ṭawiawmtute chu India khua leh tui dik tak, kum tling tawh an nih a ngaih thute tarlan a ni bawk.