KHAWTHLIR

Zirhona buatsaih

Mizoram Political Science Association chuan nimin khan T Tomana College (TRC)-ah Annual Conference an hmang a, TRC Political Science department nen seminar an buatsaih nghal. Seminar thupui chu 'The Politics of Boundaries: Mapping the Mizo Ethnic Territorial and Cultural Space' tih a ni a, research paper 16 zirho a ni.

Cultural Meet

Kolasib district bawrhsap John LT Sanga chuan nimin khan Kolasib-a St John's HSS Cultural Meet a hawng a, St John's HSS auditorium chei thar a hawng bawk. Ni hnih awh tur Cultural Meet-ah hian hnam làm, zai leh rimawi hmangin an intihsiak dawn a ni.