PUC-in Laisuih Award 2023 B Lalthangliana an hlân

Pachhunga University College chuan thu leh hlaa Mizo hnam insuih khawmna tura thawh hlâwkte hnena an pek ṭhin, Laisuih Award 2023 chu B Lalthangliana, Chhinga Veng hnenah nimin khan an college auditorium-ah an hlan.

Laisuih Award hi PUC Cultural Day cum Music Day hmannaah PUC principal hlui Dr Tawnenga'n B Lalthang­liana hnenah a hlan a ni. Award hian Rs 20,000, trophy leh thuchei a keng.

Laisuih Award hi mi pathumin an dawng tawh a; kum 2011 khan hla phuah thiam V Thangzama hnenah, kum 2015 khan hla phuahthiam leh zaithiam Lalnunmawia (Valtea) hnenah, kum 2018 khan Tahan lama Mizo zaithiam Lalnunsanga (T-Melody band) hnenah hlan a ni.