Mi 7,671-in vote an thlak tawh

November 7, 2023-a Mizoram inthlanpui neih turah postal ballot hmangin vote thlak mek a ni a, November 2, Ningani tlai dar 5 thleng khan mi 7,671-in vote an thlâk tawh.

Mizoram Chief Electoral Officer (CEO) thuchhuah tarlan danin, Mizoram pumah kum 80 chin chung lam leh pianphunga rualbanlo, polling station-a kal harsatte tana in lama vote thlak, home voting-ah mi 1,998-in vote an thlak tawh a; inthlan kaihhnawiha duty turte leh inthlan nía mamawh thil buaipuitu tur (essential service duty) zingah mi 5,673-in vote an thlak tawh bawk.

Home voting hmanga vote thlak leh facilitation centre-a postal ballot hmanga vote thlak hun hi district tinah a inang vek lo a, chuvang chuan district hrang hrang vote thlak dan a khairual thei lo tih DEO chuan a tarlang.