MZP-in NIT leh NIELIT hotu an hmu

Mizo Zirlai Pawl chuan nimin khan National Institute of Technology (NIT)-a thawkte'n harsatna an tawh chung­changah NIT director Prof. S Sundar chu a pisaah an kawm a; November 2, Ningani khan National Institute of Electronics and Information Technology (NIELIT) director mawhphurhna la mektu T Gunendra Singh an kâwm bawk.

MZP thuchhuah tarlan danin, NIT Director chu advertisement chhuah loa thawktu lak leh sum hman dan dik lo a awm nia chungchang an sawipui a; harsatna awm mekte chinfel vat a nih theih nan hma la vat tura an ngen bakah, harsatnate chu an en zui zel dawn thu an hrilh.

T Gunendra Singh chu zirlaite'n harsatna hrang hrang an tawhte a rang thei ang bera chingfel tur leh inen hranna a awm loh nan hma la turin an ngen. MZP-in students’ union din tura an ngen angin Gunendra Sing chuan November 17, 2023 ral hma ngeia din a nih theih nan hriattirna a tichhuak nghal niin MZP an tarlang.