KHAWTHLIR

Sunday School Ni

Naktuk November 5, Pathianni hi Khawvel Sunday School Ni a ni a, Mizorama sunday school-ah hman a ni dawn. Presbyterian Kohhran chuan Rev. VL Zaithanga chanchin, Dietrich Bonhoeffer chanchin leh Zirtir Thoma chanchin an zir dawn a ni.

Dry day puang

Excise dept. chuan nimin khan hriat­tirna thar a tichhuak a, inthlan vuakvetah November 5 tlai dar 4 aṭanga November 7, 2023 tlai dar 4 thleng leh, vote chhiar ní December 3, 2023-ah vote chhiar zawh hma zawng Mizoram pumah zu khapna, dry day a puang. Dry day hian sipai canteen a huam a ni.

Belhchian dâwl lo

Serchhip DEO David Lalthan­tluanga chuan, tun hnaia Serchhip constituency-a postal ballot hmanga vote tlak dan leh candidate-te vote hmuh dan social media-a thehdarh chu thu belhchian dâwl lo a nih thu a tarlang a, "Hetiang thil titu chungah Serchhip DEO office chuan dan angin hma a la mek. Thu dik lo thehdarh hi Election Commission of India-in a khap tlat a ni," a ti.

Pollstar training

Siaha district-a Saiha leh Palak biala pollstar-te tan nimin khan Siaha College-ah training buatsaih a ni. Vote thlak ní hma leh vote thlak nía pollstar-te'n 'Mizoram Election Poll Monitoring System' aṭanga phone kaltlanga zawhna an dawn tur chhàn dan tur te, CEO pisa aṭanga SMS an dawn tur chungchangte zirtir an ni.