Zophaia in sak ṭhiahsak

Kolasib DC H Lalengmawia hmalak-nain tun hnai khan, Bairabi bul Zophai rama Assam retailer Said Ali-a'n in a sak chu ṭhiahsak a ni.

In ṭhiah a nih chungchang hi Kolasib DC chuan Home minister R Lalzirliana hrilh nghalin, Home Minister chuan in ṭhiah chu ṭha a tih thu a lo hrilh.

H Lalengmawia chuan, Zophaia VL Hminga ram enkawltu Zairemsiama'n in sak phalna Said Ali a pek hnuah, in hi sak a ni a, mahse, ram hi kutthlak phal lohna hmun a nih avangin ṭhiah a nih thu a sawi.

Kolasib DC chuan, "He in hi kan ṭhiah loh chuan Assam lamin an ram chinah an ngaihbel thei a, chuvangin in hi kan vaw ṭhiat a ni," a ti.