Two wheeler paramedics Hmangin mi 653 ṭanpui tawh

National Health Mission (NHM) hnuaia two wheeler paramedics (ambulance)-te chuan, kum 2015 chhung khan harsatna tâwk mi 653 hnenah ṭanpuina an pe.

Two wheeler para-medics hi National Am-bulance Service hnuaiah May 2014-ah ṭan a ni a, mamawhna hmun apianga koh theihin damdawi bungrua chi hrang hrang hmanga thuam two wheeler pali a awm. Two wheeler pakhat chu mi pahnih zelin enkawlin, a enkawltute chu health worker training chhuak an ni a; a hranpain training pek vek an ni bawk.

National Ambulance Service-a thawkte chuan, damlo leh harsatna tawkte tan phone no. 102-ah englai pawhin a thlawna biak theih reng an ni tih an sawi a; chutih rualin, uangthuang leh dâwt hmanga be lo turin mi tin an ngen a ni.