Minorities scholarship sem hun tur hriat theih a ni lo

Mizoram Scholarchip Board (MSB) hotute chuan Vanglaini palai zawhna chhangin, mi-nority scholarship chu zirlaite bank account-a a luh hun tur hriat theih a ni lo tih an sawi.

MSB secretary JH Zoremthanga sawi danin, minority scholarship hi kumin aṭangin sorkar laipuia Ministry of Minorities-in an buaipui vek a, MSB chuan zirlaite dilna thehluh bak tih tur a nei lo. Ministry hian state sorkar kaltlang loin zirlaite account-ah pawisa an thun dawn a ni.

JH Zoremthanga chuan, minorty scholarship atan state sorkar pawhin tum tur a nei lo tih sawiin, "Ministry of Minorities hian kumin aṭanga kalphung thar an hman tak avang hian engtik hunah nge sem theih a nih ang tih keini lam aṭang chuan hriat theih a ni lo. Kumin sor-kar kum chhungin sem hman a nih kan beisei," a ti.