Mimal damdawi-inah RSBY kalpui zel dawn

Health minister Lal Thanzara leh mimal damdawi-in neitute chuan, nimin khan CMO conference hall-ah Rashtriya Swasthya Bima Yojana (RSBY) chungchang an sawiho a, RSBY chu mimal damdawi-inah pawh kalpui zel an rel.

Lal Thanzara chuan, RSBY kaltlanga BPL chhungkua te, job card neite leh street vendor-te damdawi-ina awm man peksak chu India ram state dangahte hlawhtling takin an kalpui mek tih a sawi a; Mizorama a dinhmun dik tak leh ṭha zawka beihpui thlak a nih theih dan turte rêlho a ṭul thu a sawi.

Damdawi-in neitute chuan, RSBY chu a ṭhat hle laiin, phurrit a ni thei niin an sawi a, "Tunah pawh hian damlote awm man bá a tam tawh hle. Damlo ṭhenkhatte pawhin hospital-a awm kher an ngiat ve ṭhin a, ni 4/5 lek awm tura ngaih ni sawm dawn an awm cháng a awm ṭhin," an ti.

Meeting chuan, RSBY-ah hian leibáte awm mah se, harsatna hrang hrangte chu Health Minister hoa sutkian tum ni se, private hospital-te leh RSBY lam thuneitute nen pawh sawi tlan a, chhun-zawm zel ni se, an ti.

Sawihonaah hian Health Minister hi Health secretary Lalrinliana Fanai leh Health depart-ment hotute'n an ṭawi-awm a ni.

RSBY hi Below Pover-ty Line (BPL) chhung-kuate’n damdawia inenkawl-na leh damdawi-ina an awma an senso sor-karin a peksakna scheme a ni a; BPL harsatna tâwkte chu sorkarin Rs. 30,000 thleng a tumsak thei a ni.