Sorkar ṭha tehnaah Mizoram pakhatna

Public Affairs Centre, Bengaluru chuan India ram state 29-a sorkar inrêlbawlna a zirchianna, Public Affairs Index chu tun hnai khan a tichhuak a, Mizoram chu state tê zingah pakhatna a ni.

Hemi chungchangah hian MPCC chuan thuchhuah siamin, ropui leh chhuanawm an tih thu an tarlang.

Thu dawn danin, sorkar ṭha tehna, Public Affairs Index atana zir chianna hi Rajasthan chief secretary hlui Dr CK Mathews kaihhruaina hnuaia neih a ni a; tehkhawng hlawm lian chi 10 hnuaiah tehna tênau 68 a awm leh a ni. Tehna hrang hrang aṭanga point hmuh zat belhkhawmah state tê, mi nuai 200 aia tlem chênna state 12-ah Mizoram chuan point hmu a sang ber a ni.

Congress party chuan, "Sor-kar inrelbawlna ṭha ber nihna Mizoramin a chang hi thil namailo tak leh chhuanawm tak a ni a, hetiang taka kan CM Lal Thanhawla kaihhruai Congress sorkar ṭha kan nei hi thil lawmawm piah lamah kan ngai," an ti.