Taxi khalhtute'n no vehicle zone duh lo

Aizawl Taxi Workers Union (ATWU) chuan thuchhuah siamin, Aizawl DC leh sorkar mi pawimawh ṭhukhawmin Inrinni chawhnu lam apianga Zodin Square leh Dakinpui inkara no vehicle zone a siam an tum chu ṭha an tih loh thu an tarlang a, tipuitling lo turin thuneitute an ngen.

ATWU chuan, Inrinni chawhnu lama Zodin Square leh Dakinpui inkara no vehicle zone atana siam tum chu mipui hamṭhatna nia an hriat loh thu sawiiin, "Milian fate nuamtâwlna mai mai tur niin kan hria a, kawngpui tâwt lutuk chhuanlama taxi-te intlân chhâwktir hial an tum laia kawngpui dang chêp zawnga ruahmanna siam a ni hi kan hrethiam lo a, hmun dang ṭha zawk zawng turin kan ngen a ni," an ti.