KHAWTHLIR

Cash incentive

Sports & Youth Services minister Zodintluanga hoin nimin khan a pisaah sport discipline hrang hranga cash incentive dawng turte thlan a ni. Meeting-ah hian kum 2012-13 aṭanga 2015-16, kum li chhunga cash incentive la pek loh chu sem chhuah ni se, an ti.

Lehkhabu tha

Mizo Academy of Letters (MAL)-in Book of the Year 2015 a thlanna kal mekah a ṭha zual pathum a thlang chhuak. Top 3-te chu Florence LR Ralte ziah, 'Changhnemi' te, C Lalnun-changa ziah 'Kawlkil piah lamtluang' leh Samson Thanruma ziah 'Senset Safari' tihte a ni.

RTI Act zirho

Department of Personnel & Training bultumin, Administrative Training Institute (ATI) chuan nimin khan ni hnih awh tur RTI chungchang zirhona, Champhai College-ah an buatsaih a, Champhai DC Vanlalngaihsaka'n a hawng.

CBCS zir

Aizawl West College chuan nimin khan an college-ah Choice Based Credit System chungchang zirhona an buatsaih. CBCS hi MZU hnuaia under-graduate college zawng zawngte'n 2016 first semester lut tharte aṭanga hman nghal tur a ni a, he system hi hman a nih hunah chuan zirlaite mark chu grading system-a thlak a ni ang.

Zu rui 25 man

February, 2016 chhunga Excise & Narcotics department chuan February chhung khan zu rui 25, zu zuar 23, rakzu litres 770.875, zu bilhlai litres 174 leh sap zu (um puitling) bottles 1002 an man.

Zangnadawmna hlan

November 30, 2015 a Champhai Vengthara in kanga boral Ngongaihluni (65), Alex Ngozuasuan (5) leh Cindy Lalmuanzovi (2) chhungte chu Champhai DC Office chuan zangnadawmna (Ex-Gratia Payment) Rs. 1,00,000 ṭheuh an hlan.

MST bus

Transport department chuan thuchhuah siamin, MST bus Aizawl aṭangin Thawhlehniah Kanhmun, Thawhlehni leh Ningainiah Vairengte leh Thawhlehniah Tuipuibari-ah service tir a nih dawn thu a tarlang.