Programme Implementation Plan sawiho

Mizoram State Health Society Executive Committee chu nimin khan, Administrative Training Institute (ATI) conference hall-ah an
ṭhukhawm a; kum 2016-17 chhunga hman tur Programme Implementation Plan (PIP) siamte an thlirho.

Hun hmanpuitu National Health Mission (NHM) mission director Dr K Lalbiakzuala chuan, plan siam kawngah chief medical officer (CMO)-te uluk leh fimkhur taka thil ti ṭhin turin a chah a; an hnuaia thawkte nen inpawh taka hma laho tur leh, hmachhawp tihpuitlinna kawngah PIP-in nasa taka kawngro a sut avangin ṭan la lehzual turin a fuih.

Meeting-ah hian district hrang hranga CMO-te an tel a; CMO-te'n an huam chhunga kum 2016-17 chhunga hman tur PIP an siamte an sawiho. District CMO-te plan siam hi pawmpui a nih chuan sorkar laipuiah pawmpui tura thawn a ni ang.