Lawngtlaiah 175 khung hrang mek

Lawngtlai district-a quarantine centre hrang hranga awm, India hmarchhak state pali aṭanga haw mi 183-te chu khung hran hun a zawh hnuah chhuahtir an ni tawh a; tun dinhmun­ah Tamil Nadu, West Bengal, Meghalaya, Telangana leh state dang aṭanga haw mi 175 khung hran mek a ni.

Khung hran mek mi 175 zinga 152 chu qua­rantine facility-ah khung hran an ni a, chu'ngte chu medical quarters facility-ah mi 87, Don Bosco School-ah mi 37, DIET-ah mi 22 leh Tourist Lodge-ah mi paruk an awm. Mahni ina inkhung hrang mek mi 23 an awm bawk. State pawn aṭanga hawte awmna tur quarantine facility-a hman atan mutbu leh mamawh dang­te mi ṭhahnemngaite'n eng emaw zat an thawh tawh a ni.