Pawl pariatin thisen unit 253 pe

November 4, Inrinni khan Mizoramah pawl pariatin thisen unit 253 an pe. KṬP, Republic Vengthlang Branch chuan an kohhran hall-ah ZMC tan an pe a, unit 43 pein, petute mipa 32 leh hmeichhia 11 an ni a; KṬP, Dawrpui Vengthar Branch chuan Synod Hospital tan unit 37 an pe a, petute mipa 35 leh hmeichhia pahnih an ni.

Civil Hospital, Aizawl tan ṬKP, Aizawl East Bialin unit 41 pein, petute mipa 31 leh hmeichhia 10 an ni a, ṬKP, City Church Unit-in unit 33 an pe a, petute mipa 28 leh hmeichhia panga an ni. IKK, Aizawl West Bialin unit 33 pein, petute mipa 28 leh hmeichhia panga an ni a; PYD, Chawlhhmun Bialin unit 21 an pe a, petute mipa 16 leh hmeichhia panga an ni. Blood bank-a mimala a thlawna pe mi paruk an awm bawk.

PYD, Thenzawl Bialin Thenzawl Vengpui NPSS Hall-ah Lunglei Civil Hospital tan unit 24 pein, petute mipa 23 leh hmeichhia pakhat an ni a; KṬP, Serchhip Field Veng Branch-in District Hospital tan unit 21 an pe a, petute hmeichhia 13 leh mipa pariat an ni.