Inthlan inbuatsaih dan sawiho

Mizoram inthlanpui atana inpuahchahna kalpui dan chungchangah chief electoral officer (CEO) Madhup Vyas chuan November 4, Inrinni khan district election officer te, returning officer-te leh critical polling station leh P-2 a duty tur sector officer-te video conference kaltlangin meeting a neihpui a; hmalak tawh dan leh ruahmannate an sawiho.

Sorkar thuchhuah tarlan danin, Election Commission of India (ECI) remtihnain Mizorama polling station 149 chu P-2 (P minus 2)-ah puan a ni a, kal pawh harsa deuh leh thlenna atana hun duh rei deuh polling station-te a ni. P-2 a duty tur polling party-te chu inthlan hma ni hnihah chhuahtir an ni a, nimin khan an duty-na tur polling station an pan hlawm.

CEO chuan, Model Code of Conduct leh inthlan kaihhnawih dante ṭha taka zâwm zel turin political party, candidate-te leh sorkar hnuaia awm zawng zawng a ngen a; hremna lekkawh ngai kher loa mahni inthunun ṭheuh turin a chah bawk.