Lirthei dah phal lohna hmun tarlang

Aizawl Traffic SP Stephen Lalrinawma chuan MLA inthlanpuia vote thlak hma ní - Thawhṭanni leh vote thlak ní - Thawhlehnia Aizawl hmun ṭhenkhata lirthei dah phal lohna thupek a chhuah a; thupek zâwm lo chu MV (Amendment) Act, 2019 Section 177 hmanga hrem theih a nih thu a tarlang.

November 6, Thawhṭanni hian polling party-te chhuah ṭanna tur hmun hnaivai kawngpuiahte lirthei dah phal a ni lo. Chungte chu - Saikhamakawn leh Tlangnuam Field inkar, Hridaikàwn leh Tlangnuam Field inkar, College Venga khelmual leh PUC leh MI Store inkar, PUC leh Taxi Stand inkar, College Veng Taxi Stand leh Bethlehem Veng Taxi Stand inkar, Chaltlang Dawrkawn leh Tourist Lodge inkar leh, Brigade Field panna kawngpuite a ni.

November 7, Thawhlehniah tlai dar 4 thlengin Treasury Square leh Assembly House Annex inkar, Tennis Court kawngpui dung, Planning office kawt, Chief Secretary bangla chung kawngpui dung, MIZOFED pump bul, Congress Bhavan bul chhukthla, Aizawl Post office kawt, Vanapa Hall kawt, Transport office kawt, SBI Main Branch kawt leh Mahatma Ghandhi lim ep, Aizawl College leh Mission Veng biak-in inkar, Sikulpuikawn leh Peter Street inkar, Sikulpuikawn leh Upper Khatla inkar, Sikulpuikawn leh Tuikhuahtlang inkarahte lirthei dah khap a ni.