Zirna-in tan bawlhhlawh báwm sem

Mizoram Pollution Control Board (MPCB) chuan nimin khan  Aizawl khawpuia sikul leh college ṭhenkhata eco club 50 hnenah bawlhhlawh báwm an sem.

MPCB-in bawlhhlawh báwm an sem hi Swachhta Action Plan (SAP) project aṭanga an sem a ni a, bawlhhlawh ṭawih thei leh ṭawih thei lo a hranga paihna turin báwm pahnih ṭheuhin an sem a ni. An pek turte kal chilh loin, a dawngtu turte'n an remchàn angin MPCB pisaah an lam a; pisa kai hun chhungin lam zel theih a ni.

MPCB chuan, zirlai naupangte’n bawlhhlawh thliar hran kawnga hma an sâwn theih nan leh in lamah pawh mi dangte zirtir thei tur khawpa an nunpui theih nan SAP 

aṭang bawlhhlawh báwm sem a nih thu an tarlang.

Bawlhhlawh bâwm dawngtute hnenah MPCB hnuaia Mizoram ENVIS Hub chuan bawlhhlawh thliar hran dan tur an siam flyer leh sikula tàr tur environmental awareness poster an siam an lo pe nghal zel bawk.