Myanmar 2nd. Vice President-ah Zo hnathlak Henry Van Thio

Nimin khan Myanmar ramah president thlanna neih a ni a, Zo hnahthlak Henry Van Thio, national League for Democracy (NLD) chu president-ah a tlin zawh loh avangin second vice president a ni.

Myanmar president tur thlannaah hian can-didate pathum an awm a; chu'ngte chu NLD nominee Htin Kyaw, NLD nominee dang Henry Van Thio leh sipai nominee Myint Swe te an ni.

Htin Kyaw hi Myanmar-a sorkarna chelhtu NLD-in lower house (House of Representatives) aṭanga an nominate a ni a, Henry Van Thio chu NLD-in upper house (House of Nationalities) aṭanga an nominate a ni.

President thlannaah Htin Kyaw chuan vote tla 652 aṭangin vote 360 hmuin a hmu sang ber a, president atan a tling. Sipai nominee Myint Swe chuan vote 213 hmuin, first vice president a ni dawn a, Chin hnam aiawh Henry Van Thio chuan vote 70 hmuin, second vice president a ni ang.

Henry Van Thio hi Thantlang biala Tuikir khuaah kum 1958-ah a piang a, a pa chu Liantlunga a ni. Thiamna lamah B.A a zawh bakah, Diploma in Law a zo bawk.