Centre for Entrepreneurship Development hawn a ni

Parliamentary secretary (School Education) Joseph Lalhimpuia chuan, nimin khan Aizawl West College-ah Centre for Entrepreneurship Development (CED) a hawng.

Joseph Lalhimpuia chuan, centre hawn thar chu hun lo kal leh zel atana zirlaite chakna tur leh hnathawh tur kawng an dap thiamna tur a ni tih a sawi a; centre chu chhawr ṭangkai a, ṭhahnemngai taka zir turin zirlaite a fuih.

Sumdawnna chu bus ang mai a ni tih sawiin Joseph Lalhimpuia chuan, "Pakhat a liam pawhin a dang a rawn kal leh mai a, hmangcháng hriatna leh remhriatna a awm phawt chuan hmalakna tur zau tak a awm a ni," a ti.

Centre-a course coordinator Dr Benjamin Lal-rinsanga chuan, conventional subject ringawt-in ṭhalaite’n hna an hmuh theih tawh loh avangin entrepreneurship lam hawi a ngaih thu a sawi.

CED-ah hian college zirlaite leh páwn lam mite tan entrepreneurship course hrang hrang kalpui a ni ang a, skill development pawh kalpui a ni ang. Kar leh aṭangin tlai dar 3-5 inkarah class neih ṭhin tur a ni.