Mistiri-te'n inkhawmpui an hmang

Mizoram Mistiri Association chuan nimin khan Vanapa Hall-ah General Assembly vawi 5-na an hmang a; Labour, Employment & Industrial Training director Lalhmachhuana khuallian a ni.

Khuallian chuan, Mizoram chhiarpui hnuhnung berah hna thawktu zawng zawng zinga 60.6% chu lo neih leh kut hnathawka eizawng an ni tih a sawi a, "Kut hnathawktute thlavâng hauhtu tur dan siam tawhte hi ṭha tak leh mumal taka lekkawh a ṭul tak zet a ni. Lo neih, kut hnathawh leh mimal/pawl hnuaia eizawngte hian an tum ber chu an thawh-chhuah phû tâwka pawisa emaw hlâwkna hmuh let a ni," a ti.

MMA-ah hian member 1,260 an awm a, Mi-zoram chhungah branch 39 an nei. Chawhnu lam-ah MJA kaih-hruainain hruai--tu thar an thlang a; president-ah R Zosiam-liana, general secretary-ah CD Lal-thlamuana leh treasurer-ah Rochhar-liana Khiangte an thlang.

MMA hian Mizoram Building & Other Construction Workers Welfare Board hnuai-ah member-te'n an chanvote a hun taka an dawn theih nan chak zawka hmalak leh, hnam dang mistiri Inner Line Permit (ILP) neite mumal zawka kalpuite an rel a ni.