Kolasib-ah PMKSY chungchang zirho

Kolasib district-a Agricultural Technology Management Agency (ATMA) nimin khan Kolasib DAO conference hall-ah lo leh huana tui lakna, tui kawng siam leh a pekna tur ruahmanna thar sorkar laipuiin a duan thar, Pradhan Mantri Krishi Sichayee Yojana (PMKSY) chungchang zirhona an buatsaih.

Training-ah hian huan leh loa tui pekna kalpuitu line department dang pahnih - Minor Irrigation aṭangin SDO Jacinta Laltanpuii'n Accelerated Irrigation Benefits Programme (AIBP) leh Horticulture officer H Lalthlamuana'n On Farm Water Management (OFWM) chung-chang an sawi. ATMA deputy project director Rambuatsaiha'n ATMA-in lo neitu a puih dan kawng hrang hrang a sawi bakah, ATMA deputy project director Dr V Zodinsanga'n PMKSY chungchang a sawifiah.

Sorkar laipui chuan tun hnai khan thingtlang-a lehkha thiamte'n lo neih leh huan enkawlna lamah thiamna bik an neihna atan Skilled Development for Rural Youth a duang a, state 10-ah bul ṭan tum a ni. Bul ṭanna tur state zing-ah Mizoram pawh a tel a; district pali - Aizawl, Kolasib, Mamit leh Lawngtlai district-ahte kumin chhungin training buatsaih tum a ni.