Ni 11 chhungin heroin Rs. 8,84,800 hû man

Central YMA hnuaia ruihhlo dotu, Supply Reduction Service (SRS) chuan tun thla, March 5-15 chhung khan heroin Rs. 8,84,800 hû an man.

SRS-in tun hnai ni 11 chunga heroin an man zat chu hawng 12, can 124 leh chhìn sen 10 a ni. Heroin kaihhnawihah hian mi 86 an man a, chu'ng zinga mi 12 chu home/centre-ah dahin, 24 chu thu ṭha hrilh an ni.

SRS hian April 2015 aṭanga February 2016 thleng khan mi ṭha-hnemngaite aṭangin ṭan-puina Rs. 13,61,450 an dawng a, ṭanpuina petute hnenah lawmthu an sawi. SRS hian April 2015 - February 2016 chhungin Rs. 12,75,667 an hmang a, chawhrualin thla tin duty senso atan Rs. 1,15,970 vel hmang ṭhin ang an ni.