District khawpui cheina atan 2015-16 ah vbc. 1579.91 dah

Mizoram sorkar chuan Aizawl bakah, district khawpui danga kawngpui siamṭhatna atan sorkar kum kal mek 2015-16 chhungah cheng vbc. 1579.91 a dah.

PWD changtu, chief minister Lal Thanhawla'n INC member PC Zoram Sangliana zawhna a chhan danin, Aizawl leh district khawpuite kawng siamna atan hian kum 2015-16 ah non-plan hnuaiah cheng nuai 1463.40 leh plan hnuaiah cheng vbc. 116.51 dah a ni a; tun dinhmunah cheng nuai 1105.90 hman a ni tawh.

Aizawl khawpui leh district khawpui chhung kawngpui enkawl hna chu PWD-in UDPA department kuta hlan/pek tumna a neih leh neih loh zawhna chhangin Chief Minister chuan, "PWD hian Urban Development kuta hlan tumna a nei rih lo," a ti.