Drinking Water and Sanitation awareness

National Drinking Water and Sanitation Awareness Week chu, nimin khan PHE minister Zodintluanga'n PHE confe-rence room-ah a hawng.

PHE Minister chuan PHE engineer-te hmaah thu sawiin, lui aṭanga tui pump chhuaha sem chu PHE department-in an thiam tawh hle tih a sawi a, "Tui sem mai piah lamah tui herh hawna tap aṭanga in nghal ngam khawpa thianghlim tui sem thei turin ka challenge che u a ni," a ti.

Tui chu mihring hri-selna nena inzawm tlat, thil nung tinrengin dam khawchhuah nana mamawh a ni tih sawiin Zodintluanga chuan, "Hum-halh leh venhim a
ṭulzia mipuiin an hriat nan awareness week buatsaih a ni," a ti a; hrisel nan faina leh thianghlimna chu tui tluka pawimawh a ni tih hriat a ṭul thu a sawi.

Zodintluanga chuan, hriatnain mi a tichak a, thawhhona ṭha a siam ṭhin tih sawiin, "Mipui tana rawngbawlna kawngah technology thar hmang
ṭangkai thiam turin lehkha chhiar zau leh ram dang tih dan ṭhate zir chian a pawimawh," a ti.

PHE secretary Dr C Vanlalramsanga pawhin thu sawiin, tui chu thil siam zawng zawng tan nunna hnár a ni tih a sawi a, PHE department-in hna a thawh ṭhat chuan Mi-zo-ram mipui tan malsawmna a nih thu a tarlang.

Awareness Week-ah hian 'Tui leh invawn thianghlim beihpui 2016' thutiam sawi rual a ni a; Communication & Capacity Development Unit (CCDU)-in week puala inelna an buatsaiha ti ṭhate hnenah lawmman sem a ni.