Horticulture hman ṭangkai dan zirna khâr

Mizoram University-a Department of Horticulture-in, Ai-jal Club-a 'International symposium on Sustainable Horticulture' an buatsaiha technical session bik chu Thawhlehni tlai khan khâr a ni a; khârna inkhawm hi Governor Lt.Gen. Nirbhay Sharma-a'n a hmanpui.

Governor chuan, Mi-zo-ram mipui 70% chu agriculture leh a kaih-hnawiha innghat a ni tih sawiin, "Buh leh bâla intodelh turin tlang ram leilung tana remchang horticulture-ah ṭan lak bik a ngai," a ti a; khawvel ram hrang 15 aṭanga mithiam kal khawm leh India rama horticulture scientist-te inkawmna aṭangin Mizoram lo neitute'n hlâwkna an têl a beisei thu a sawi.

Mipui ei tur buh leh bâl, kum khat tla thar chhuah a nih theih nan horticulture hnuaia thlai chin theihna hmun zau zawkah hmalak a ngai tih sawiin Larsap chuan, "Thlai thar hralhna tur leh dahṭhatna tur ngaihtuah tel nghal a pawimawh. Central
aṭanga ṭanpuina kaltlangin kut hnathawktute chawi-kanna leh buh leh bâla intodelhna kawngah hma-lak mek a nih piah lamah a pahnih a ṭangkawpin hmalak mek a ni," a ti.

Symposium chhung hian thupui pasarih hmang-in mithiamte'n vawi 70 an zirtir a, India rama horticulture scientist-te bakah ram dang 15 aṭanga mi-thiam kalkhawmte'n sym-posium an chhim a ni.