CVJAC-in March 31 thleng Sorkar an nghak dawn

Commercial Vehicle Joint Action Committee (CVJAC) chuan nimin khan Central YMA Hall-ah General Assembly an hmang a; an harsatnate sorkarin March 31, 2016 thlenga a sutkian loh chuan April 4, 2016 aṭangin tiam chin awm loa lungawi lohna lantir an rel.

CVJAC Assembly hi an chair-man Malsawmtluanga'n a kaihruai a, district hrang hrang aṭangin lirthei pawl hrang hrang hruaitute an tel. "Sorkarin chhiah an tisang hi kan duh lo ni loin, chhiah tisang siin kan hamṭhatna thlentu tur leh kan harsatna tur dan an siamsak
ṭhin hi hriatthiam har kan ti hle a ni," an ti.

CVJAC Assembly Resolution

1. Transport department-in chhiah tisang a, harsatna thleng tur dan a siam tel si hi kan duh lo, hei hi sût leh nghal rawh se.

2. Tuna kan harsatnate hi March 31, 2016 hma ngeiin chinfel kan phût a, chinfel a nih hmaa buaina awm chuan sorkar mawhphurh a ni ang.

3. Chinfel a nih loh chuan April 4, 2016 aṭangin Mizoram pumah tiam chin awm loa lungawi lohna lantir tur a ni.

4. Lirthei hman tur dan leh chhiah tihdanglam dawnin sawisel theih leh rawtna thehluh hun (public hearing) siam ṭhin rawh se.