KHAWTHLIR

Financial literacy awareness

Mizoram Rural Bank chuan nimin khan Tuipanga RD department BRC Hall-ah Financial Literacy and Credit awareness campaign an buatsaih a, Tuipang BDO Abraham Beirazi Khithie-a'n a hmanpui. He hunah hian Lungleia lead bank chief manager James LH Pachuau-in bank kalphung leh ṭangkainate a sawi a ni.

Heroin man

Excise & Narcotics department-a Anti-Narcotics Squad–te chuan March 16, 2016 zan dar 10:30 khan Phunchawng Mel 7-ah heroin gram 470 an man a; a neitua puh Zohmangaiha (34) s/o Lalbiaka, Ngur, Champhai district, tuna Phungchawng Mel 7-a khawsa mek nia inchhál an man bawk.

Ordinance pharh

Nimin Assembly budget session-ah Land Revenue & Settlement minister R Romawia chuan, 'The Mizoram (Land Acquisition, Rehabilitation and Settlement) Ordinance, 2015' a pharh.

HIV-te tan training

CARE World Vision India chuan Thawhlehniaṭanga nimin thleng khan Tourist Lodge, Chaltlangah HIV hrik paite pualin inràwnkhawmna an buatsaih a, World Vision India national office, Chennai aṭangin coordinator Daisy David leh health coordinator Jovita ten an hmanpui. HIV postive-te'n harsatna an tawhte hmachhawn dan an sawiho a, Mizoram hmun hrang hrang
aṭangin mi 80 an tel a ni.

Sangha khawi zir

Lawngtlai District Fisheries Development Office buatsaihin nimin khan Lawngtlaia BNRGSK hall-ah sangha khawitute tunlai thiamna hmanga sangha dil siam dan leh enkawl dan zirtir an ni.

Titawp turin ti

Champhai DTO K Lalhmuakliana chuan thupek chhuahin, The Motor Vehicles Act tlawhchhanin State Transport Authority (STA) aṭanga agent emaw counter license nei lote chu agent emaw counter a rang lama tihtawp nghal vek turin a hriattir.