Champhaiah Project Sunrise zirho

Hmarchhaka state-a ruihhloa inchiu ṭhinte enkawl leh titlem tura hmalakna, Project Sunrise inhrilhriatna hun Nilaini khan Champhaia IPR conference hall-ah buatsaih a ni.

Champhai CMO Dr C Zirliana chuan, AIDS vei leh HIV hrik pai tam lamah Champhai din-hmun a ṭhat loh thu sawiin, "Health department-in hmalakna a lo neih tawhte thuam ṭha a, belhchhah leh pui tura Project Sunrise kalpui a ni hi mipui-te mamawh chhanna a ni. HIV/AIDS do kawng-ah tlawmngai pawl leh kohhrante ṭawiawmna a pawimawh hle," a ti.

Champhai district-a thisen endikna hmun ICTC record-a a lan dan-in, kum 2002 aṭanga 2015 thleng khan mi 40,919 thisen endikah mi 1,369 (3.3%)-in HIV hrik an pai tih hmuh chhuah a ni a; nau pâi mi 21,703 endikah mi 179 (0.5%) chu HIV+ve an ni.

Project Sunrise hnuai-ah hian tunah chuan thawktu tur hranpa lak vak a awm lo a, hma la mektu hrang hrang - NACO, SACS, NGO leh mi dang dangte nena thawhhona ṭha siam chunga kalpui dan tur rua-hman a ni. Project Sun-rise hi Mizoramah chuan Champhai leh Ai-zawl district-a kalpui tura ruahman a ni.