Library chungchang zirhona buatsaih

T Romana College leh Mizoram Library Association ṭangkawp chuan nimin khan IPR auditorium-ah khawtlang nun danglam zela library pawimawhna zirhona an buatsaih a, Art & Culture secretary Thanhliri Pachuau-in a hmanpui.

Thanhliri Pachuau chuan, library chu mipui-te zirna in tia hriat a nih ṭhin thu sawiin, "Kum, hnam, sakhua, vun rawng, nihna eng mah sawi loin, eng mi pawhin a mamawh a zawna a hmuh theihna hmun a nih avangin a pawimawh hle," a ti a; librarian-te chu mipui rawngbawl hna pawimawh tak vuantu an ni tih hre reng turin a chah.

Art & Culture Secretary sawi danin, vantlang library hriat hmasak ber chu kum 1969-a Aizawla Sub-Divisional Library a ni a; kum 1974-ah Mizoram State Library din niin, a hnu deuhah Lung-lei leh Saiha-ah district library din leh a ni.

Seminar-ah hian sor-kar hnuaia public library-a thawk te, college hrang hrang librarian-te leh NGO hrang hrang library enkawltute an tel a ni.