JICA aiawhte'n Serchhip an tlawh

Japanese International Cooperation Agency (JICA) survey team member pahnih, Shigeki Yamaoka leh Katsuyuki Yamamoto-te chuan nimin khan Serchhip an tlawh a; Horticulture committee room-ah Horiculture, Minor Irrigation, Agriculture leh Soil & Water Conservation department hotute nen an inkâwm.

Katsuyuki Yamamoto chuan, Mizo-rama Technical Cooperation Project kalpui tum a nih dan tlangpui leh an inbuatsaih dan turte a sawi a, "Serchhip district hi pilot project kalpuina tura hman tum a ni a, he project site thlang tura thutlukna siam a nih theihna atan Serchhipah kan rawn kal a ni," a ti.

JICA Technical Cooperation Project hi kum nga chhung kalpui tur niin, October 2016 aṭanga September 2021 chhunga kalpui tura ruahman a ni.