Model village chungchang sawiho

Saansad Adarsh Gram Yojana (SAGY) hnuaia Mizorama MP leh MLA-te'n model village an thlana hmalak dante, nimin khan Secretariat conference hall-ah chief secretary Lal-malsawma hoin an thlir.

MP model village hminga hmalaknate chu sorkar laipui aṭanga vil a ni a, hun bituk angin Phase-I (Wave 1) chu October 2016-ah zawh hman tura ruahman a ni. MLA model village chu bul ṭan tlai deuh a nih avangin March 2017 thleng hun pawhsei a ni thung.

MP leh MLA-te model village hi Aizawl district-ah khaw 10, Lunglei district khaw pariat, Saiha district-ah khaw pahnih, Champhai district-ah khaw paruk, Kolasib district-ah khaw 3, Serchhip district-ah khaw pasarih, Lawngtlai district-ah khaw pathum leh Mamit district-ah khaw pathum a awm.