Lungleiah Grid Connected Solar Power Projects sawiho

19th March, 2016

Nimin khan Lunglei DC Abhijit Vijay Chaudhuri hoin DC conference hall-ah Power & Electricity hotute leh Lungleia head of office-te an
ṭhukhawm a; National Solar Mission hnuaia Grid Connected Solar Power Projects chungchang an sawiho.

Lunglei DC chuan, sorkar laipuia Ministry of New & Renewable Energy-in state hrang hrangte'n solar enegry an deh chhuah tur zat a bituk tih sawiin, "Mizoram chuan kum 2015-16 chhungin megawatt 1 leh kum 2016-17 chhungin megawatt 6 a chang dawn," a ti a; sorkar pisa leh inte chu enfiah a, solar system bunna tur hmun an neih dan ṭheuh hriattir turin a hrilh.

He project hi 2015-a ṭan niin, kum 2022 thleng beihpui thlak tur a ni a; chumi chhunga Mizoram aṭanga ní (solar) hmanga kawlphetha dehchhuah tura beisei zat chu megawatt 50 a ni.