Hmun thuma chetsual-naah mi pathum an thi

K Lalawmpuia (41) s/o Lamkunga, Armed Veng chu Inrinni khan Thenzawl khaw dáiah a ṭhianpa nen bike-in an chesual a, an chetsualna hmunah a hliam tuar loin a thi.

K Lalawmpuia ruang hi nimin khan Armed Venga an inah vui a ni a, ṭhianpa chu he thuziah lai thleng hian nikhaw hre loin a awm a, damdawi-inah enkawl a ni.

Inrinni zan dar 7 vel khan Mualpui line bus-in Mualpuiah mi pahnih a sû a, a sut pakhat zawk Lalrova, Salem Veng, Aizawl chu nimin zing dar 4 vel khan a hliam tuar loin a thi.

Thu dawn danin, bus hi mi a sut hnuah pawh ding loin a tlan tlang a, a hnua an man a; a khalhtu chu kum tling lo a ni.

March 18, 2016 tlai dar 5 vel khan Sakawrdaia Zosangbera fate in saknaa lei ko minin ban khur lai mek Laltuakvunga (25) s/o Thanglawra a chhilh a, a thi. Laltuak-vunga chhanchhuah tum hian mipuiin theihtawp an chhuah nghal a, mahse an chhanchhuak hman lo. Laltuak-vunga leivungin a chhilh hma lawk hian Lalringngheta (34) pawh a chhilh a, ani chu an chhan-chhuak hman a ni.