Mi kut tuar a thi

March 7, 2016 zana Lunglei Electric Venga mi kut tuar, Ricky Lal-hmingsanga (21) s/o Lalzuimawia, Thenzawl chu a hliam tuar loin March 18, 2016 tlai dar 3 khan Christian Hospital, Serkawnah a thi.

Ricky Lalhmingsanga thih dan hi an dem thu, Thenzawl Joint YMA leh Lunglei Electric Veng Joint NGO-te chuan an tarlang.

Thenzawl Joint YMA thuchhuah siamin, Ricky Lalhmingsanga na taka sawisak a ni leh a thih phah hial chu pawi an tih thu sawiin, a khawihtute chu man a, a na thei ang bera hrem an phut thu an tarlang.

Lunglei Electric Veng Joint NGO pawhin thuchhuah siamin, an veng tleirawl leh Chanmari veng tleirawlte'n Ricky Lalhmingsanga kut an thlak vanga a thi chu pawi an tih thu leh zahthlak an tih thu an tarlang a, "Rahsi Veng mipuite leh Thenzawl mipuite chungah ngaihdam kan dil tak meuh a ni. Pawi khawihtute chungah hian dan anga a na thei ang ber hremna pek ni rawh se," an ti.