MPCC-in budget chhuang

MPCC Media depart-ment chuan thuchhuah siamin, Finance minister Lalsawta'n March 17, 2016-a Mizoram budget 2016-17 a pharh tak chu a chhuanawm hle niin an tarlang a, "Mizoramin state nihna kan neih hnua a vawi khatna atan budget chuangliam (surplus bud-get) a rawn pharh hi kan chhuang tak zet a ni," an ti.

Congress party chuan, budget thar avang hian kum lo kal zel turah Mizoramin sum lama dinhmun ṭha zawk a neih chho thei dawn nia sawiin, "Kum 2016-17 Budget hi chhinchhiah tlak (landmark) budget a ni ngei ang tih hi kan ringhlel lo," an ti.

MPCC Media tarlan danin, Mizoram sorkar chu tun hma zawngin sum indaih lo reng rengin a khawsa
ṭhin a, kum thar budget aṭang chuan sum indaih lohna nuai bo a ni dawn mai ni loin, sum chuang liam cheng vbc. 29.55 lai a awm zawk dawn a ni.