Consumer Rights Day hmang

Mizoram Consumers’ Union (MCU) huaihawtin, Inrinni khan Central YMA Hall-ah World Consumer Rights Day hman a ni a, State Food Safety commissioner leh Health principal director Dr K Ropari khuallian a ni.

Kumina World Con-sumer Rights Day thupui chu 'Antibiotics off the menu and Food Safety and Consumer Rights' tih a ni.

Inkhawmah hian thupui hi Health joint director (F&D) Lalsawma Pachuau-in a sawi a; 'Consumer’s Rights to Food Safety' tih thupui hmangin Food Safety officer Lalrinkimi'n thu a sawi bawk.

World Consumer Rights Day hmannaah hian Aizawl veng hrang hranga consumer union hruaitute an tel a ni.