Surplus budget nei chuanin Leibá rûl rawh se - Zorama

MNF president Zoramthanga chuan, Cong-ress kaihhruai sorkar-in surplus budget an neih chuan mimal, contractor leh supplier leh company-tea an leibá an neihte rûlh an duh thu a sawi a, "Tui lian vanga chhiat tawk Zohnah-thlakMyanmar-a awmte ṭanpui rawh se," a ti.

Nimina Mizo Hnam Rûna inkhawmah thu sawiin Zoramthanga chuan, Finance Minister-in sum hman aia a lut a tam zawk tia a sawi chu surplus budget a ni chiah em, tih an zir chian dawn thu a sawi a ni.

MNF President chuan, state sorkarin Central-a a sum bat pangngai a awm a, chu chu state upa leh lian apiangin an ba tam niin a sawi a; K-Deposit-ah cheng vbc. 1,500 a awm nia sawiin, "Surplus budget neia insawi chuan a rang lamin rûl rawh se,” a ti.

State-in mimal laka sum a bat (liability) zawng zawng, TA/DA, medical reimbursement, worshop bill, supplier bill leh contractor bill, sorkar hnathawk hlawh bá leh a dangte a tam hle nia sawiin, Zorama chuan, "Sorkarin a rulh ngei kan phût a ni," a ti.