Lunglei dist-a ruihhlo man zat

Lunglei district election officer Ram­dinliani leh SP Rahool Alwal te chuan November 5, Pathianni tlai khan MLA inthlanpui neih tur chungchangah thuthar thehdarhtute an kâwm a; inthlan vuakvêtah Lunglei district-ah heroin gram 162, sap zu ûm 214 leh rakzu litre 5,004 man a nih thu an tarlang.

Ramdinliani chuan, inthlanna felfai leh muan­awm a awm theihna tura Lunglei district inpuah­chah dan tlangpui a sawi a; Model Code of Conduct bawhchhiatna sawi tham a awm loh thu leh sorkar hotute zingah pawh MCC kalh zawnga che an awm loh thu a sawi.

Lunglei SP Rahool Alwal chuan, Lunglei district-ah inthlanna felfai, muanawm leh thian­ghlim a awm theihna tura ruahmanna siamte a tarlang a; inthlan vuak­vetah Lunglei district-ah heroin gram 162, sap zu (IMFL) ûm 214 leh rakzu litre 5,004 man a nih thu a sawi a ni.