PUC adopted village hmáwrbàwkna

Pachhunga University College chuan adopted village atana Khawrihnim an hman hmáwrbâwkna nimin khan Khawrihnim High School tualah an buatsaih a, PUC principal Prof. H Lalthanzara'n a hmanpui.

PUC hian September 24, 2023 khan adoted village atan Khawrihnim an thlang a, PUC zirtirtute'n kawng hrang hrangin Khawrihnim an zir chiang a, chu an zirchianna chu a bua chhuah turin buaipui mek a ni. Adopted village a nih angin Khawrihnima zirlai ti ṭha pali chu PUC-ah direct admission an tihsak a, Khawrihnim H/S leh M/S zirlaite leh MUP member-te tan exposure tour an buatsaih bawk.

PUC hian kum 2012 aṭangin village adoption programme an kalpui a, a hmain adopted village atan Phulpui, Lungleng leh Dulte khuate an lo thlang tawh a ni.