MLA inthlanpui chungchangah ZPM party-in lawmthu an sawi

ZPM elected office bearer-te chuan nimin khan an pisaah Mizoram inthlanpui neih tak an thlir lêt a, thuchhuah siam nghalin, boruak ṭha tak hnuaiah inthlanna neih a ni chu lawmawm an tih thu leh, sorkarna siam pha ngei tura an inngaih thu an tarlang.

ZPM thuchhuah chuan, "Inthlan buatsaih­tute leh buaipuitu te, venhimna lam buai­puitu zawng zawng, inthlanna thianghlim, dik leh felfai a awm theihna tur leh sorkar inrêlbàwlna ṭha a awm theihna tura Mizoram People Forum hmalakna te, inthlanna muanawm leh boruak ṭha min petu Pathian leh ṭhahnemngai taka vote thlaktu mipui chungah thinlung takin lawmthu kan sawi a ni," a ti.

Hmun hrang hranga ZPM hruaitute thawh­rimnaah an lawm thu sawiin ZPM chuan, "Kalphung thar, mipui sorkar a pian ngei theihna atana ṭhahnemngai taka ZPM candidate-te vote-tu zawng zawng chungah lawmthu kan sawi a ni," an ti bawk.