Chawngzawng 140 vel thi:

Nimin zing khan Suangpuilawnah thli tleh vanga thi nia hriat chawngzawng 140 vel chhar a ni a, Suangpuilawn pastor quarters bul chiaha làmkhuang kûnga riakte an ni.

Suangpuilawn pastor Rev. Lalhminghlua chuan, a quarters bula làmkhuang kûngah chawngzawng eng emaw zat an riak ṭhin a, nimin zing khawvar hma, dar 3 velah thli a tleh a, thli chuan chawngzawngte chu a lèn hlum a nih an rin thu a sawi. Sava thi chu an chhar khawm tawh chinah chawngzawng 140 vel leh vamûr pakhat a ni a, an taksaah hliam a awm nual hlawm tih a sawi bawk.