Bungṭhuam task force lungawi lo

Bungṭhuam task force-te chuan an task force duty-te zah lo taka ṭawng khumtu MS Dawngliana chet dana an lungawi loh thu Chief Secretary hnenah nimin khan ziakin an thlen.

Bungṭhuam khawtlang lehkha thehluha a lan danin, May 26 zan dar 7:30 khan MS Dawngliana, General Secretary, MNF General Hqrs, Aizawl chuan Bungṭhuam task force check gate-a duty-te chu zah lo tak leh mawi lo takin a ṭawng khum a, lirthei dang tura thuneihna nei lo leh Aizawl lama an chakkhai lakna turte dan-ah a vau niin an ziak.

Bungṭhuam khawtlang chuan MS Dawngliana chu mimala an dan loh thu leh, curfew bawhchhia private lirtheite an dan khawm laia thu kal lam leh haw lam ngaichang loa mawi lo taka task force-te ṭawng khumah an puh a; May 28 tlai dar 4:00 ral hmaa amah ngei Bungṭhuama kala ngaihdam a dil a nih loh chuan ramria rammua duty zawng zawngte leh gate duty chu tihtawp vek an tum a ni.

Bungṭhuam task force-te hian duty post 16 an nei a, heng zinga post pasarihah hian an ram mu a ni.