Ramri véngtute tlawh chhuak dawn

MNF chuan thuchhuah siamin, an party hruaitute leh sorkara minister leh MLA-te'n Covid-19 laka Mizoram a him theihna tura state ramri hrang hranga duty-te tlawh chhuah rûnpui an ṭan tih an tarlang a; May 25-30 chhungin tlawh chhuah zawh an tum.

MNF party chuan, ramri vengtute tlawh chhuah programme chu MNF president leh chief minister Zoram­thanga'n bul ṭanin, Assam leh Mizoram inrîna - Vairengte, Bairabi leh a chhehvelte a tlawh tawh tih an sawi a, "A hma­in minister leh MLA eng emaw zatin vawiduailo an lo tawh tawh bawk," an ti.