Thli tlehin in a lên thlu

Nimin zinga thli tlehin dar 8 vel khan Zuangtui (Industrial Estate)-a K Lalmalsawma te chenna in a len thlu a, hliam an awm laiin, thi erawh an awm lo. Zuangtuiah vêk in dang pariat a tichhe bawk.

Zuangtui Branch YMA hruaitu RL Zoramthanga hnen aṭanga thu dawn danin, in a chim laiin mi paruk an awm a, chu'ng zinga pali chu an hliam avangin damdawi-in panpui an ni. Damdawi-in panpui zinga chhungkaw nu ber Khualzingi (84) chu damdawi-inah admit a ni. An tleirawl pakhat chu CT scan-a endik ni mah se, admit a ni lo.